Ամերիկյան բանակի քարտուղար Դեն Դրիսկոլը և գլխավոր շտաբի պետ գեներալ Ռենդի Ջորջը անակնկալ այցելել են Կիև։ Սա առաջին անգամն է, երբ Թրամփի վարչակազմի բարձրագույն պաշտպանական պաշտոնյաները մեկնում են Ուկրաինա։
Հաղորդվում է, որ նրանց այցի նպատակն է եղել արագացնել խաղաղության գործընթացը և հասկանալ, թե ինչպես կարող են ԱՄՆ-ն ու Ուկրաինան ավելի արդյունավետ համագործակցել զինատեսակների ու նոր տեխնոլոգիաների ոլորտում։
Ուկրաինան վերջին տարիներին արագ զարգացրել է սեփական դրոնների արտադրությունը՝ ստեղծելով մոդելներ, որոնք օգտագործվում են և՛ առաջնագծում, և՛ Ռուսաստանի խորքում։ ԱՄՆ բանակը փորձում է սովորել այդ փորձից. Դրիսկոլն ու Ջորջը բազմիցս նշել են, որ Ուկրաինայի «արագ մտածելու ու արագ ստեղծելու» կարողությունը օրինակ պետք է դառնա ամերիկյան պաշտպանական արդյունաբերության համար։
Դրիսկոլը և Ջորջը Կիևում հանդիպելու են երկրի ղեկավարությանը, այդ թվում՝ նախագահ Զելենսկիին, քննարկելու խաղաղության գործընթացը և տեխնոլոգիական համագործակցությունը։
