Իրանի Գերագույն առաջնորդի արտաքին քաղաքական խորհրդական Կամալ Խարրազին CNN-ին ասել է, որ Իրանը պատրաստ է վերսկսել միջուկային բանակցությունները ԱՄՆ-ի հետ։
Իրանական կողմը պահանջում է վերադառնալ նախահունիսյան դիրքորոշմանը (երբ ԱՄՆ-ն ու Իսրայելը հարձակվեցին իր օբյեկտների վրա)։
Ըստ Խարազիի՝ Իրանը պահանջում է հավասար իրավունքներ և չի դադարեցնելու ուրանի հարստացումը քաղաքացիական նպատակներով։ Թեհրանը նաև չի պատրաստվում բալիստիկ հրթիռների արտադրության հարցը դնել բանակցությունների սեղանին։
«Ամերիկացիները նախ պետք է ցույց տան իրենց պատրաստակամությունը՝ բանակցելու մեր կողմից սահմանված պայմաններով։ Այս պայմանները պետք է հիմնված լինեն փոխադարձ հարգանքի և հավասարության սկզբունքների վրա։ Մինչ այս քննարկումների սկսվելը պետք է մշակվի կոնկրետ օրակարգ։ Ցավոք, նախագահ Թրամփը չի հավատում դիվանագիտական գործընթացներին և նախընտրում է ուժ կիրառել իր նպատակներին հասնելու համար», - հայտարարել է Խամենեիի խորհրդականը։
Նա նշել է, որ Միացյալ Նահանգների հետ բանակցություններ սկսելու Իրանի պայմանները չեն փոխվել, և որ Իրանը կշարունակի հարստացնել ուրանը իր ազգային կարիքները բավարարելու համար։
«Մենք Միացյալ Նահանգների հետ կքննարկենք միայն միջուկային հարցեր», - հայտարարել է Խարազին՝ ընդգծելով, որ Իրանի բալիստիկ հրթիռների ծրագիրն ընդլայնվում է, և այս հարցը չի բարձրացվի բանակցությունների սեղանին։
