Սլովակիայի տասնյակ քաղաքներում, այդ թվում՝ մայրաքաղաք Բրատիսլավայի Ազատության հրապարակում, երկուշաբթի օրը տասնյակ հազարավոր մարդիկ դուրս են եկել փողոց՝ բողոքելու վարչապետ Ռոբերտ Ֆիցոյի և նրա ռուսամետ քաղաքականության դեմ։
Ցույցերը համընկել են 1989 թվականի հեղափոխության 36-րդ տարդարձի հետ, որով ավարտվել էր կոմունիստական ռեժիմը Չեխոսլովակիայում։
Բողոքի գլխավոր պատճառը եղել է այն, որ Ֆիցոյի կառավարությունն այս տարի չեղյալ է հայտարարել հեղափոխության օրը որպես պետական տոն՝ որոշումը հիմնավորելով խնայողությամբ։
Ֆիցոյի դեմ բողոքի ակցիաները Սլովակիայում շարունակվում են արդեն ամիսներ շարունակ՝ կապված նրա ռուսամետ դիրքորոշման, լրատվամիջոցների ճնշման և արտաքին քաղաքականության փոփոխությունների հետ։
