Նոյեմբերի 16-ին Լոս Անջելեսում կայացած Governors Awards մրցանակաբշխության ժամանակ Թոմ Կրուզը դարձել է ակադեմիայի պատվավոր օսկարակիր։ Մրցանակը նրան հանձնել է ռեժիսոր Ալեխանդրո Գոնսալես Ինյարիտուն, ում հետ Կրուզն այժմ նկարահանվում է նոր ֆիլմում (պրեմիերան՝ 2026 թ. հոկտեմբեր)։ 62-ամյա դերասանը հուզիչ ելույթ է ունեցել։
Նա մինչ այսօր չորս անգամ առաջադրվել է Օսկար մրցանակի համար՝ լավագույն դերասան («Born on the Fourth of July», «Jerry Maguire»), լավագույն երկրորդ պլան («Magnolia») և լավագույն ֆիլմի արտադրող («Top Gun: Maverick») անվանակարգերում, բայց երբեք չի հաղթել։
Նույն երեկոյին պատվավոր Օսկար են ստացել նաև պարուսույց Դեբբի Ալենը և թողարկող-դիզայներ Ուին Թոմասը։ Մարդասիրական Jean Hersholt մրցանակը տրվել է Դոլլի Փարթոնին։
Governor Awards-ը անցկացվում է «Օսկար»-ի գլխավոր արարողությունից առանձին։ Օսկարի պատվավոր մրցանակը համարվում է կինոարդյունաբերության ամենահեղինակավոր մրցանակներից մեկը. դափնեկիրների թվում են Չարլի Չապլինը, Ջուդի Գարլենդը, Ֆեդերիկո Ֆելինին, Ֆրենսիս Ֆորդ Կոպոլան և Սփայք Լին։
