Ամերիկացիները կարող են շուտով ավելի էժան սուրճ և բանան գնել։ Դոնալդ Թրամփի վարչակազմը պայմանավորվածություններ է ձեռք բերել չորս լատինամերիկյան երկրների հետ՝ նվազեցնելու այս ապրանքների ներմուծման մաքսերը։
Արգենտինայի, Գվատեմալայի, Սալվադորի և Էկվադորի հետ համաձայնագրերով նախատեսվում է պահպանել 10-15% մաքսերը, բայց սուրճի և բանանի նման ապրանքները կազատվեն դրանցից։ Պատճառը պարզ է՝ ԱՄՆ-ում դրանք բավարար քանակությամբ չեն արտադրվում։
Սուրճի գինը այս տարի կտրուկ բարձրացել է 20%-ով, ինչը իրենց գրպանի վրա զգացել են միլիոնավոր ամերիկացիներ։ Գվատեմալան և Էկվադորը ԱՄՆ-ի բանանի հիմնական մատակարարներն են։
Թրամփը փորձում է ճնշում գործադրել նաև տավարի մսի արտադրությամբ զբաղվող ընկերությունների վրա։ Նա հանձնարարել է արդարադատության նախարարությանը քննություն իրականացրել շուկայում՝ պարզելու մսի գնի կտրուկ թանկացման պատճառները։
