Թուրքիայի նախագահ Ռեջեփ Թայիփ Էրդողանը հայտարարել է, որ Վրաստանում կործանված թուրքական ռազմատրանսպորտային ինքնաթիռի սև արկղը հայտնաբերվել է: Էրդողանն այս հայտարարությունն արել է իշխող «Արդարություն և զարգացում» կուսակցության անդամների հետ հանդիպման ժամանակ:
Թուրքիայի նախագահը հայտարարել է հետաքննություն սկսելու մասին: Նա նաև նշել է, որ ավիավթարի հետևանքով զոհվել է 20 զինծառայող։
Ինչպես հայտարարել Է Էրդողանը, համապատասխան ծառայությունների հետ կապը հաստատվել է ինքնաթիռի կործանումից անմիջապես հետո, և օպերատիվ կերպով սկսվել Է որոնողափրկարարական գործողությունը: Այս պահի դրությամբ հայտնաբերվել է 19 աճյուն, ևս մեկի որոնումները շարունակվում են:
