Բրիտանական վարչապետ և Լեյբորիստական կուսակցության առաջնորդ Քիր Սթարմերը կարող է մոտ ապագայում կորցնել իր կուսակցական պաշտոնը՝ ներկուսակցական «դավադրության» արդյունքում։ Այս մասին գրում է Bloomberg-ը՝ հղում կատարելով անանուն աղբյուրներին կուսակցությունում։
Սթարմերի դիրքերը կարող են սասանվել նոյեմբերի վերջին վիճելի բյուջեի ներկայացումից հետո։
Նոր առաջնորդի թեկնածուների շարքում են առողջապահության նախարար Ուես Սթրիթինգը, ներքին գործերի նախարար Շաբանա Մահմուդը, էներգետիկայի նախարար Էդ Միլիբենդը և նախկին տրանսպորտի նախարար Լուիզա Հեյգը։
Սթրիթինգի ներկայացուցիչը հերքել է, որ նա հավակնություններ ունի այդ պաշտոնի նկատմամբ։ Սթարմերի կողմնակիցները հայտարարել են, որ նա պատրաստ է պայքարել իր պաշտոնի համար։
Լեյբորիստական կուսակցությունը նույնպես կորցնում է ժողովրդականությունը։ Դա տեղի է ունենում Նայջել Ֆարաջի աջակողմյան Reform կուսակցության ժողովրդականության աճի ֆոնին։
