Ռուսաստանն այս կամ այն կերպ մասնակցել է սիրիացիների դեմ պատերազմին։ Այս մասին հայտարարել է Սիրիայի անցումային շրջանի առաջնորդ Ահմեդ ալ Շարաան Fox news-ին տված հարցազրույցում։
Սիրիայի նախագահ Ահմեդ Ալ-Շարաան հայտարարել է, որ կառավարությունը մտադիր է պատասխանատվության ենթարկել Բաշար Ասադին ժողովրդի դեմ հանցագործությունների համար:
«Ռուսաստանը այս կամ այն կերպ մասնակցել է սիրիացիների դեմ պատերազմին, ուստի դերակատարների, այդ թվում՝ Ասադի արտահանձնման հարցը քննարկվել է Մոսկվայի հետ բանակցություններում»,- ասել է նա։
Շարաայի խոսքով՝ ստեղծվել է արդարադատության հատուկ հանձնաժողով, որը պետք է ապահովի բոլոր մեղավորների պատիժը:
