Միջազգային
Քաղաքապետի սպանությունից հետո Մեխիկոն 1000 զինվորական է ուղարկում տարածաշրջան
Մեքսիկայի նախագահ Կլաուդիա Շեյնբաումը հայտարարել է նոր միջոցառումների մասին՝ Ուրուապանի քաղաքապետ Կառլոս Ալբերտո Մանսոյի սպանությունից մեկ շաբաթ անց։
Հիշեցնենք, որ 17-ամյա մարդասպանը այն իրականացրել էր Մեռելոցի ժամանակ, որը հանգեցրել էր զանգվածային բողոքի ցույցերի տարածաշրջանում և արևմտյան նահանգներում։
Պաշտպանության նախարար Ռիկարդո Տրեվիյա Տրեխոն հայտարարել է, որ գրեթե 1000 լրացուցիչ զինծառայող կուղարկվի Միչոական՝ դաշնային ուժերի ընդհանուր թիվը հասցնելով շուրջ 10,000-ի։ Նրանց կեսը կկանգնեցնի հանցավոր խմբավորումների սահմանային հատումները, հատկապես դեպի Խալիսկո նահանգ։
Կառավարությունը Միչոականի համար հայտարարել է 3 միլիարդ դոլարից ավելի ներդրումներ՝ հիմնականում սոցիալական ծրագրերի համար։ Դրանք ուղղված կլինեն անգործության, աղքատության և առողջապահության խնդիրների լուծմանը։ Կրթաթոշակները կընդլայնվեն՝ երեխաներին դպրոցում պահելու և հանցավոր խմբավորումներից հեռու պահելու համար։
Շեյնբաումը մերժել է ԱՄՆ զորքերի ներգրավումը, թեև նախագահ Դոնալդ Թրամփը առաջարկել էր օգնություն։ Մեքսիկան կընդունի միայն հետախուզական աջակցություն։
Միչոականի Լասարո Կարդենաս նավահանգիստը և ավտոճանապարհները հանդիսանում են հիմնական երթուղիներ թմրանյութերի և թրաֆիքինգի համար։
