Զելենսկին հայտարարել է, որ ցանկանում է ԱՄՆ-ից պատվիրել 27 Patriot հակաօդային պաշտպանության համակարգ: Այս մասին նա հայտնել է The Guardian պարբերականին տված հարցազրույցում։
Նրա խոսքով՝ քանի դեռ ԱՄՆ-ն չի տրամադրել Patriot-ը, ինքը կցանկանար, որ եվրոպական պետությունները Ուկրաինային տրամադրեին իրենց գոյություն ունեցող համակարգերը:
Մեկնաբանելով Պոկրովսկի թեման՝ Զելենսկին հայտնել է, որ Մոսկվան հսկայական ուժեր է նետել այս գործողության մեջ՝ 170.000 մարդ։
«Ռուսական հաջողություն չկա։ Կան շատ զոհեր»,- ասել է նա։
Զելենսկին նաև հայտարարել Է, որ Ռուսաստանը կարող է երկրորդ ճակատ բացել եվրոպական մեկ այլ երկրի դեմ, մինչև Ուկրաինայում պատերազմի ավարտը:
«Ես այդպես եմ կարծում։ Պուտինը նախ ցանկանում է օկուպացնել Ուկրաինան, իսկ հետո կարող է այլ տեղ գնալ։ Նա կարող է երկուսն էլ միաժամանակ անել»,- եզրափակել է նա։
