Թաիլանդում օտարերկրյա զբոսաշրջիկներ տեղափոխող ավտոբուսը վթարի է ենթարկվել և շրջվել, որի հետևանքով վիրավորվել է 12 մարդ։ Նրանցից երկուսի վիճակը գնահատվում է ծանր, հայտնում են տեղի լրատվամիջոցները։
Ավտովթարը տեղի է ունեցել Լամպանգ նահանգում։ 38 մարդ տեղափոխող ավտոբուսը Չիանգ Մայից ուղևորվում էր Բանգկոկ։ Մեքենան կորցրել է կառավարումը և բախվել ճանապարհային արգելապատնեշին՝ նախքան շրջվելը։
Թաիլանդում Ռուսաստանի դեսպանատունը ՏԱՍՍ-ին հայտնել է, որ դիվանագիտական առաքելությունը պարզում է, թե արդյոք Ռուսաստանի քաղաքացիներ տուժե՞լ են վթարի հետևանքով։ Ոստիկանությունը հետաքննում է վթարի պատճառները։
