Ռուսաստանի գիտությունների ակադեմիայի տիեզերական հետազոտությունների ինստիտուտի (IKI) Արեգակնային աստղագիտության լաբորատորիայի տվյալներով՝ Արեգակի վրա տեղի է ունենում Երկրին ուղղված հզոր բռնկում։
«Արեգակ-Երկիր գծի երկայնքով տեղի է ունենում ուժեղ բռնկում։ Աստղադիտակները դիտարկում են պլազմայի արտանետում, որը մասամբ տեղաշարժվել է դեպի հյուսիս»,- նշել են լաբորատորիայում։
Մասնագետների կարծիքով՝ բռնկման վերջնական հզորությունը հասել է X1.79 դասի, որը համարվում է բավական ուժեղ։
Ինստիտուտը նախկինում հայտնել էր, որ նման բռնկումները կարող են ուղեկցվել պլազմայի արտանետումներով և առաջացնել գեոմագնիսական խանգարումներ Երկրի վրա։
