Իսրայելի կառավարության խոսնակը հայտարարել է, որ թուրք զինվորները չեն տեղակայվի Գազայում՝ որպես բազմազգ ուժերի մաս, որոնք նախատեսված են Իսրայելի պաշտպանության բանակի փոխարեն, գրում է Times of Israel-ը։
«Թուրքական զորքերի ոտքն այնտեղ չի դիպչի», - լրագրողներին հարցին ի պատասխան՝ ասել է խոսնակ Շոշ Բեդրոսյանը։
Գազայի պատերազմը դադարեցնելու ԱՄՆ նախագահ Դոնալդ Թրամփի ծրագիրը նախատեսում է ժամանակավոր միջազգային կայունացման ուժեր ստեղծել, որոնք աստիճանաբար կվերահսկեն Գազայի անվտանգությունը։
Ուժը դեռ պետք է ստեղծվի, և շատ երկրներ պահանջում են, որ դրանք ունենան ՄԱԿ-ի Անվտանգության խորհրդի մանդատ։
Այս ամսվա սկզբին Մանամայում կայացած անվտանգության համաժողովում Թուրքիայում ԱՄՆ դեսպան Թոմ Բարաքը հայտնել էր Իսրայելի կողմից Գազայում թուրքական ուժերի տեղակայման վերաբերյալ առարկությունների մասին։
ԱՄՆ փոխնախագահ Ջեյ Դի Վենսը անցյալ ամիս ասել էր, որ Անկարան «կառուցողական դեր» կունենա, բայց որ Վաշինգտոնը ոչինչ չի պարտադրի Իսրայելին, երբ խոսքը վերաբերում է «իրենց տարածքում» օտարերկրյա զորքերի տեղակայմանը։
