Ֆիլիպիններում «Կալմաեգի» թայֆունի հետևանքով զոհվել է առնվազն 66 մարդ, հայտնել է երկրի արտակարգ իրավիճակների վարչությունը։ Եվս 26 մարդ համարվում է անհետ կորած։
Զոհերից վեցը մահացել են զինվորական ուղղաթիռի կործանման հետևանքով, որը ուսումնասիրելիս է եղել տուժած տարածքները։ Մյուսները զոհվել են ջրհեղեղների, ընկած ծառերի և շենքերի փլատակների պատճառով։ Ավելի քան 430 հազար մարդ ստիպված է եղել լքել իր տները։
Փոթորիկը հարվածել է երկրի ամենամեծ կղզիների՝ Լուսոնի, Վիսայասի և Մինդանաոյի 24 նահանգներին։ Շատ շրջաններում խափանվել է էլեկտրամատակարարումը, տասնյակ թռիչքներ դադարեցվել են։
Ֆիլիպինների օդերևութաբանական ծառայության տվյալներով՝ փոթորիկը թուլացել է, սակայն քամու արագությունը դեռևս հասնում է ժամում 180 կիլոմետրի։
