Հանս-Դիտեր Ֆլիկը մտադիր է մրցաշրջանի ավարտից հետո լքել «Բարսելոնայի» մարզչի պաշտոնը, հաղորդում է ABC-ն:
Աղբյուրի տեղեկություններով՝ սեպտեմբերից գերմանացին իր մարզչական շտաբին ասել է, որ շատ է հոգնել և ցանկանում է հեռանալ:
Նշվում է, որ Ֆլիկը հիասթափված է, որ «բլաուգրանայի» որոշ խաղացողների պակասում է կենտրոնացվածությունն ու նվիրվածությունը:
Բացի այդ, մարզիչը կարծում է, որ ակումբի ղեկավարությունն իրեն անբավարար աջակցություն է ցուցաբերում։
Ֆլիկի պայմանագիրը «Բարսելոնայի» հետ նախատեսված է մինչև 2027 թվականի հունիսը: Նա թիմը գլխավորում է 2024-ի հուլիսից։
Լա Լիգայի ընթացիկ մրցաշրջանի 11 տուրերից հետո կատալոնացիները զբաղեցնում են աղյուսակի 2-րդ հորիզոնականը՝ «Ռեալից» հետ մնալով 5 միավորով:
