84 տարեկանում մահացել է ԱՄՆ-ի 46-րդ փոխնախագահ Դիկ Չեյնին, ով համարվում էր երկրի արդի պատմության ամենազորեղ փոխնախագահներից մեկը. այս մասին հայտնել է նրա ընտանիքը։
Չեյնին 2001-09 թվականներին երկու ժամկետում էլ եղել է հանրապետական նախագահ Ջորջ Բուշի կրտսերի փոխնախագահը։ Նա համարվում էր «ահաբեկչության դեմ պատերազմի» գլխավոր հովանավորը և օգնել է ղեկավարել երկիրը Իրաքի դեմ պատերազմում։
Չեյնին տասնամյակներ շարունակ եղել է Վաշինգտոնի ազդեցիկ և հակասական գործիչներից մեկը։ Վերջին տարիներին, սակայն, նա մեծապես կտրվել է իր կուսակցությունից՝ խիստ քննադատելով նախագահ Դոնալդ Թրամփին, որին անվանել է «երկչոտ» և հանրապետության ամենամեծ սպառնալիք։
2024 թվականին իր վերջին նախագահական քվեն Չեյնին տվել է դեմոկրատ Քամալա Հարիսին։
Չեյնին ողջ չափահաս կյանքում տառապել է սրտանոթային հիվանդությունից, վերապրել մի քանի կաթված և 2012 թվականին փոխպատվաստել սիրտը, որից հետո ապրել երկար տարիներ։
