Մեքսիկայի Էրմոսիլյո քաղաքի Waldo խանութի մուտքի տեղի է ունեցել պայթյուն, որի հետևանքով, նախնական տեղեկություններով, զոհվել է 23 մարդ, այդ թվում՝ 4 երեխա, 12 մարդ վիրավորվել է, հայտնում է Universal-ը։
Կայքի տվյալներով՝ պայթյունից հետո խանութում հրդեհ է բռնկվել։ Նախնական տվյալներով՝ պայթյունը կարող է տեղի ունեցած լինել մուտքի մոտ կայանված մեքենայում, ուստի իրավապահները քննարկում են հնարավոր գործոնները, ինչպիսիք են մեքենայի մեխանիկական խնդիրները կամ դյուրավառ նյութերի առկայությունը։
Մեքսիկայի նախագահ Կլաուդիա Շեյնբաումը ցավակցություն է հայտնել զոհվածների ընտանիքներին։
