Չինաստանի նախագահ Սի Ծինփինը կմասնակցի Հարավային Կորեայում անցկացվող Խաղաղ օվկիանոսի տարածաշրջանի առաջնորդների ամենամյա հավաքին։ Նա հանդիպումներ կանցկացնօ Կանադայի և Ճապոնիայի ղեկավարների հետ:
Այս քայլը տեղի է ունենում ԱՄՆ նախագահ Դոնալդ Թրամփի հետ առևտրային համաձայնագրերի կնքումից հետո։ Հիշեցնենք՝ համաձայնության հասնելով ԱՄՆ-ի հետ, կասեցվել են Չինաստանի հազվագյուտ հանքանյութերի արտահանման հետագա սահմանափակումները:
Փաստաթղթերը կնքվել են նախքան Թրամփի Հարավային Կորեայից մեկնելը:
ԱՄՆ նախագահը բացակայել է Ասիա-խաղաղօվկիանոսյան տնտեսական համագործակցության (APEC) հիմնական երկօրյա գագաթնաժողովից:
ԱՄՆ-ի հետ պայմանավորվածությունը կասեցնում է Չինաստանի հազվագյուտ հանքանյութերի արտահանման լրացուցիչ սահմանափակումները, որոնք սպառնում էին խաթարել գլոբալ մատակարարման շղթաները:
Մատակարարման շղթաների ամրապնդումը այս տարվա APEC քննարկումների հիմնական ուղղությունն է:
Գագաթնաժողովը անցկացվում է Գյոնգջու պատմական քաղաքում:
21 անդամից բաղկացած տնտեսական ակումբը նպատակ ունի խրախուսել համագործակցությունը, նվազեցնել առևտրային և ներդրումային խոչընդոտները:
Սակայն հանդիպումներում ընդունված որոշումները պարտադիր բնույթ չունեն, և կոնսենսուսի հասնելը գնալով դժվարանում է. հայտնում է Reuters-ը։
