ԱՄՆ նախագահ Դոնալդ Թրամփը հայտարարել է, որ Ռուսաստանի առաջնորդ Վլադիմիր Պուտինի հետ հանդիպումը կկայանա միայն այն դեպքում, երբ նա վստահ լինի ռուս-ուկրաինական պատերազմը դադարեցնելու համաձայնագրի հարցում։ Այս մասին Թրամփը հայտնել է Սպիտակ տան լրագրողական խմբին՝ Ասիայում իր շրջայցի շրջանակում Մալայզիա թռչող ինքնաթիռում։
«Մենք պետք է իմանանք, որ համաձայնագիր ենք կնքելու»,- ասել է ամերիկացի առաջնորդը՝ պատասխանելով հարցին, թե ե՞րբ կցանկանա հանդիպել Պուտինի հետ։
Թրամփը հիասթափություն է հայտնել ռուս-ուկրաինական հակամարտության խաղաղության գործընթացի առաջընթացից։
