ԱՄՆ նախագահ Դոնալդ Թրամփը, հավանաբար, Սպիտակ տան արևելյան թևում կառուցվելիք պարահանդեսային դահլիճը կանվանի իր անունով, հաղորդում է ABC-ն՝ հղում անելով Թրամփի վարչակազմի բարձրաստիճան պաշտոնյաներին։
Որպես գործարար, ով մեծ փորձ ունի ամեն ինչ կառուցելու գործում՝ սկսած գոլֆի դաշտերից մինչև գրասենյակային աշտարակներ, Թրամփը բազմիցս հայտարարել է, որ Սպիտակ տունը տարածք չունի խոշոր միջոցառումներ անցկացնելու համար։ Սա է նրա նախագծի հիմնավորումը։ Նա նախկինում հայտարարել էր, որ նստավայրի կողքին կկառուցվի 200 միլիոն դոլար արժողությամբ պարահանդեսային դահլիճ։
«Նախագահ Թրամփը, հավանաբար, նոր՝ 300 միլիոն դոլար արժողությամբ Սպիտակ տան պարահանդեսային դահլիճը կանվանի իր անունով։ Պաշտոնյաներն այն արդեն անվանում են «Նախագահ Դոնալդ Թրամփի պարահանդեսային դահլիճ»։ Անունը, հավանաբար, կմնա այդպես»,- հաղորդել է հեռուստաալիքը։
Պաշտոնական գրառումների համաձայն՝ Արևելյան թևը կառուցվել էր 1902 թվականին և այդ ժամանակվանից ի վեր բազմաթիվ վերանորոգումների ենթարկվել: Ավանդաբար, շենքի այս հատվածն օգտագործվել է Առաջին տիկնանց և նրանց թիմերի կողմից, մինչդեռ նախագահների և նրանց թիմերի գրասենյակները գտնվում էին Արևմտյան թևում:
