Ռուսաստանում անցկացվել է ռազմավարական միջուկային ուժերի վարժանք։ Ներգրավվել են դրանց ցամաքային, ծովային և ավիացիոն բաղադրիչները, հայտնել է Կրեմլը։ Մարզումն անցկացվել է Ռուսաստանի նախագահ Վլադիմիր Պուտինի ղեկավարությամբ:
«Մարզման բոլոր առաջադրանքները կատարված են», - ասվում է հաղորդագրության մեջ:
Վարժանքը ցույց է տվել ռազմական կառավարման մարմինների պատրաստվածության մակարդակը, ենթակա զորքերի կառավարման կազմակերպման ուղղությամբ օպերատիվ անձնակազմի աշխատանքի գործնական հմտությունները. նշել են Կրեմլում:
