Երեքշաբթի երեկոյան Դուբլինում անկարգություններ են սկսվել. հազարավոր մարդիկ բողոքի ցույցեր են կազմակերպել հյուրանոցի դիմաց, որտեղ բնակվում են ապաստան հայցողներ:
Հրդեհվել է ոստիկանական մեկ միկրոավտոբուս, իսկ նրանց ուղղությամբ նետվել են շշեր, աղյուսներ և հրավառ նյութեր:
Հարձակման է ենթարկվել նաև ոստիկանական ուղղաթիռ, որը փորձել են կուրացնել լազերներով:
Բողոքի ցույցը սկսվեց 26-ամյա միգրանտի ձերբակալությամբ, որը մեղադրվում էր 10-ամյա աղջկա հանդեպ բռնության մեջ:
Մեղադրյալը, որի անունը չի հրապարակվում, երեքշաբթի օրը ներկայացել է դատարան. պաշտոնապես մեղադրանք է առաջադրվել սեռական ոտնձգության կապակցությամբ:
Տեղական լրատվամիջոցների տվյալներով՝ տղամարդը դատարանում խնդրել է ռումին թարգմանիչ, չնայած՝ ոստիկանությունը չի բացահայտել նրա ազգությունը կամ էթնիկ պատկանելությունը:
