Արդյունավետ հանդիպում ունեցա Հայաստանի վարչապետ Նիկոլ Փաշինյանի հետ, X սոցիալական ցանցում գրել է Վրաստանի վարչապետ Իրակլի Կոբախիձեն։ Վրաստանի վարչապետի խոսքով՝ հանդիպման ընթացքում երկու կողմերը քննարկել են երկկողմ և տարածաշրջանային համագործակցության հիմնական հարցեր։
«Ես վստահ եմ, որ այս հանդիպումը կամրապնդի Վրաստանի և Հայաստանի միջև համագործակցությունը»,- գրել է Կոբախիձեն։
Ավելի վաղ ՀՀ կառավարությունից տեղեկացրել էին, որ զրուցակիցները քննարկել են Հայաստանի և Վրաստանի միջև ռազմավարական գործընկերության օրակարգին վերաբերող հարցեր: