Հոնկոնգի օդանավակայանում բեռնատար ինքնաթիռը դուրս է եկել թռիչքուղուց, բախվել մեքենայի և հայտնվել ծովում։
South China Morning Post-ի տվյալներով՝ Դուբայից ժամանող Emirates Boeing 747-481 բեռնատար ինքնաթիռը վայրէջքից հետո բախվել է ցամաքային անձնակազմի մեքենային, կորցրել է կառավարումը, բախվել արգելապատնեշի և ընկել ծովը։
Հաղորդվում է, որ ցամաքային անձնակազմի մեքենայում գտնվող օդանավակայանի երկու աշխատակից զոհվել է։ Ինքնաթիռի անձնակազմը չի տուժել։
Փրկարարական խմբերը, ջրասուզակները և հրշեջները աշխատում են դեպքի վայրում։ Վթարի պատճառը հետաքննվում է։