Ֆրանսիայում գտնվող Լուվրի թանգարանը կողոպուտի է ենթարկվել, հայտարարել է Ֆրանսիայի մշակույթի նախարար Ռաշիդա Դատին։
Դեպքը տեղի է ունեցել վաղ առավոտյան՝ թանգարանը բացելու ժամանակ։ Թանգարանն այս պահին այցելուների համար փակ է։ Դեպքի վայրում աշխատում են իրավապահ մարմինների աշխատակիցները։
Անհայտ անձինք, նախնական տեղեկություններով, թանգարանից գողացել են 9-ը զարդ: Ըստ Le Parisien-ի՝ գողերից երեքը թանգարան են մտել վերանորոգման փուլում գտնվող շենքից։ Նրանք օգտագործել են բեռնատար վերելակ՝ «Ապոլլոն» պատկերասրահ մուտք գործելու համար: Զինված անձինք, նախնական տեղեկություններով, գողացել են Նապոլեոնի և կայսրուհի Ժոզեֆինայի հավաքածուից զարդեր՝ վզնոց, կրծքազարդ և թագ։
Ֆրանսիայի մշակույթի նախարար Ռաշիդա Դատին հաստատել է կողոպուտի մասին տեղեկությունը և ասել, որ վիրավորներ չկան: Թանգարանն այժմ փակ է, և ոստիկանությունը հետաքննություն է անցկացնում և փնտրում է հանցագործներին:
