Հոկտեմբերի 19-ի վաղ առավոտյան Արեգակի վրա արձանագրվել է ռենտգենյան ճառագայթման ուժով վերջինից մեկը նախորդող՝ M դասի արևային բռնկում, տեղեկացնում է ՏԱՍՍ-ը՝ հղում անելով Կիրառական գեոֆիզիկայի ինստիտուտին։
«Հոկտեմբերի 19-ին՝ մոսկովյան ժամանակով 04:56-ին, ռենտգենյան տիրույթում՝ 4246 արևային բծախմբում (լայնություն՝ հյուսիսային 23°, երկայնություն՝ արևմտյան 87°), արձանագրվել է M1.0 դասի բռնկում, որը տևել է 18 րոպե»,- հայտնել են ինստիտուտից։
Արևային պայթյունները դասակարգվում են հինգ հիմնական կարգով՝ A, B, C, M և X, կախված ճառագայթման ուժից։ A0.0 նվազագույն կարգը համապատասխանում է Երկրի ուղեծրում արձանագրվող 10 նանովատտ/մ² ճառագայթման։ Յուրաքանչյուր հաջորդ դասում ճառագայթման հզորությունն աճում է տասնապատիկով։
Նման բռնկումները հաճախ ուղեկցվում են արևային պլազմայի արտանետումներով, որոնց արդյունքում ձևավորված ամպերը, հասնելով Երկիր, կարող են առաջացնել մագնիսական փոթորիկներ։
