ՌԴ-ի և Ադրբեջանի հարաբերություններում ճգնաժամ չի եղել. դա զգացմունքների ճգնաժամ էր. հայտարարել է Վլադիմիր Պուտինը՝ անդրադառնլով երկու երկրների հարաբերություններին։
Նա նաև հույս է հայտնել, որ Ադրբեջանի հետ հարաբերություններում զգացմունքները կմնան անցյալում:
«Հույզերն, իհարկե, անխուսափելի են, բայց միշտ ավելի լավ է դրանք զսպել, որպեսզի չխանգարեն աշխատանքին։ Հուսով եմ՝ այս ամենն անցյալում է», - ասել է Պուտինը։
Նա նաև հայտարարել է, որ Ադրբեջանը գործնականում ռուսախոս երկիր է, ինչը խոսում է Ռուսաստանի հետ հարաբերությունները զարգացնելու՝ պետության տրամադրվածության մասին:
«Թույլ տվեք հիշեցնել, որ Ադրբեջանը ևս գործնականում ռուսախոս երկիր է. այնտեղ ամենուրեք ռուսերեն են խոսում։ Սա նաև վկայում է Ռուսաստանի հետ հարաբերությունները զարգացնելու՝ երկրի հիմնարար հանձնառության մասին», - ասել է նա։
Պուտինը հավելել է, որ մեծ հույս ունի ապագայում երկու երկրների միջև նման հարաբերությունների զարգացման համար։
