Օսկարակիր դերասանուհի Նիկոլ Քիդմանը և քանթրի երաժշտության աստղ Քիթ Ուրբանը բաժանվել են 19 տարվա համատեղ կյանքից հետո․ երկուշաբթի հայտնել են տարբեր լրատվական գործակալություններ:
Հաղորդվում է, որ հայտնի զույգը սկսել է առանձին ապրել ամռան սկզբից, երբ Ուրբանը տեղափոխվել է Թենեսի նահանգի Նեշվիլ քաղաքում գտնվող տնից. հայտնում է TMZ-ը:
TMZ-ն և People ամսագիրը հայտնել են, որ Քիդմանը դեմ է եղել ամուսնալուծությանը և պայքարել է ամուսնությունը պահպանելու համար:
58-ամյա Քիդմանը և 57 - ամյա Ուրբանն իրենց կարիերան սկսել են Ավստրալիայում: Նրանք ծանոթացել են 2005 թվականի հունվարին՝ Ավստրալիային նվիրված հոլիվուդյան միջոցառման ժամանակ, և ամուսնացել հաջորդ տարվա հունիսին Սիդնեյում։
Նրանք ունեն երկու դուստր՝ 14-ամյա Ֆեյթ Մարգարեթը և 17-ամյա Սանդի Ռոուզը։ Քիդմանը երկու որդեգրված երեխա ունի դերասան Թոմ Քրուզի հետ նախորդ ամուսնությունից։
Նշենք, որ լուրը պաշտոնական հաստատում դեռ չունի։
