ԱՄՆ նախագահի հատուկ ներկայացուցիչ Քիթ Քելլոգը հայտարարել է, որ Դոնալդ Թրամփն Ուկրաինային թույլատրել է հեռահար հարվածներ հասցնել Ռուսաստանին: Այս մասին նա ասել Է Fox News-ի եթերում։
Ըստ Քելոգի՝ «բայց Պենտագոնը չի լիազորել Ուկրաինային դրանք իրականացնել»։
«Բոլորը պետք է հետևեն նախագահի ասածներին։ Նա Սահմանադրության համաձայն գերագույն հրամանատարն է, և բոլորը ենթարկվում են նրան», - նշել է ԱՄՆ նախագահի հատուկ դեսպանորդը։
Հարցին, թե արդյոք ԱՄՆ նախագահի դիրքորոշումն այն է, որ Ուկրաինան կարող է հեռահար հարվածներ հասցնել Ռուսաստանի դեմ, Քելոգը պատասխանել է.
«Կարծում եմ՝ կարդալով նրա ասածը, և կարդալով փոխնախագահ Վենսի և պետքարտուղար Ռուբիոյի ասածները, պատասխանը՝ այո։ Օգտագործեք խորը հարվածի հնարավորությունը։ Սուրբ տարածքներ չկան»։
