Թուրքիայի նախագահ Ռեջեփ Թայիփ Էրդողանը Fox News-ին տված հարցազրույցում անդրադարձել է ռուս–ուկրաինական պատերազմին։
«Երկու կողմերն էլ՝ Ուկրաինան և Ռուսաստանը, կրում են կորուստներ, սակայն իրավիճակը վերլուծելիս պարզ է դառնում, որ Ռուսաստանի կորուստները զգալիորեն աճել են»,– նշել է Էրդողանը։
Նրա խոսքով՝ «ֆինանսական տեսանկյունից ակնհայտ է, որ Ուկրաինան տնտեսական առումով չի կարող մրցակցել Ռուսաստանի հետ։ Ես չեմ կարծում, որ Եվրոպան կարող է անվերջ շարունակել ֆինանսական աջակցություն ցուցաբերել Ուկրաինային»։
Էրդողանը նաև հավելել է, որ Ռուսաստանի նախագահի հետ իր հարաբերությունները «լավ են եղել դեռ առաջին հանդիպումից»։
