Իլհամ Ալիևն ընդունել է Եվրոպական միության ընդլայնման հարցերով հանձնակատար Մարթա Կոսին:
Կոսն իր շնորհավորանքներն է փոխանցել Հայաստանի և Ադրբեջանի միջև հարաբերությունների կարգավորման կապակցությամբ:
Հանձնակատարը նշել է, որ ԵՄ և Ադրբեջանի միջև հաջող համագործակցություն է հաստատվել էներգետիկայի ոլորտում, ինչպես նաև նշել է տրանսպորտի ոլորտում համագործակցության հետագա զարգացման մեծ հեռանկարները:
Ալիևն ընդգծել է, որ Ադրբեջանն այսուհետ ևս շարունակելու է ջանքերը տարածաշրջանում խաղաղության օրակարգի առաջմղման ուղղությամբ:
Խոսելով այն մասին, որ տարածաշրջանում տրանսպորտային կապեր ստեղծելու լավ հնարավորություններ կան, Ալիևը նշել է, որ Ադրբեջանը ինտենսիվ աշխատանք է տանում ճանապարհատրանսպորտային ենթակառուցվածքների ստեղծման ուղղությամբ: Մասնավորապես, նա ընդգծել է դեպի Զանգելան տանող ավտոմոբիլային և երկաթուղային գծերի կարևորությունը։
