Ճապոնիայում 100-ից բարձր տարիք ունեցողների թիվը հասել է 99.763-ի՝ սահմանելով հերթական ռեկորդը։
Ըստ բնակչության հիմնական ռեեստրի տվյալների՝ սեպտեմբերի 1-ի դրությամբ երկրում ապրում է 4644-ով ավելի շատ երկարակյաց, քան՝ անցած տարի։
Տարեցների գերակշիռ մասը՝ շուրջ 88 %-ը, կանայք են։
Ճապոնիայի ամենատարեց բնակչուհին 114-ամյա Կագավա Սիգեկոն է, իսկ ամենատարեց տղամարդը՝ 111-ամյա Միդձունո Կիյոտական։
Երկարակյացների թվով առաջատարը Սիմանե պրեֆեկտուրան է, որտեղ 100 հազար բնակչին բաժին է ընկնում 169 երկարակյաց, ապա հաջորդում են Կոտի և Տոտտորի պրեֆեկտուրաները։
Ճապոնիան շարունակում է համարվել աշխարհի ամենաբարձր միջին կյանքի տևողություն ունեցող երկրներից մեկը, և երկարակյացների թիվն այստեղ ամեն տարի կայուն աճ է գրանցում։
