Լեհաստանի զինված ուժերը չորեքշաբթի վաղ առավոտյան հայտարարել են, որ խոցել են անօդաչու թռչող սարքեր, որոնք խախտել են իրենց օդային տարածքը հարևան Ուկրաինայի վրա Ռուսաստանի հարձակման ժամանակ, ինչը առաջին խոշոր սադրանքն է Եվրոպայի և ՆԱՏՕ-ի ուժերի համար:
«Ռուսաստանի Դաշնության կողմից Ուկրաինայի տարածքի վրա այսօրվա հարձակման արդյունքում տեղի ունեցավ անօդաչու թռչող սարքերի կողմից Լեհաստանի օդային տարածքի աննախադեպ խախտում: Այս ագրեսիայի ակտը իրական սպառնալիք էր մեր քաղաքացիների անվտանգության համար», - ասվում է լեհական գերատեսչության հրամանատարության հաղորդագրության մեջ:
Հիշեցնենք՝ վարչապետ Դոնալդ Տուսկը հաստատել էր, որ իրականացվում է ռազմական արձագանքման գործողություն, որը կապված է Լեհաստանի օդային տարածքի բազմաթիվ խախտումների հետ, և հայտարարել է, որ զինվորականները զենք են կիրառել օբյեկտների դեմ:
«Մեր հայրենիքի անվտանգությունը մեր գերագույն առաջնահերթությունն է», - այս մասին էլ գրել նախագահ Կարոլ Նավրոցկին X-ի իր գրառման մեջ՝ հավելելով, որ առաջիկա ժամերին ճեպազրույց կանցկացնի Լեհաստանի ազգային անվտանգության խորհրդում:
X-ում հրապարակված հաղորդագրության համաձայն՝ նախագահ Կարոլ Նավրոցկիի հանդիպումը Ազգային անվտանգության խորհրդի հետ ավարտվել է։
