ԱՄՆ նախագահ Դոնալդ Թրամփը լրագրողներին հայտնել է, որ «երկուշաբթի կամ երեքշաբթի» մի շարք եվրոպական առաջնորդներ կժամանեն ԱՄՆ՝ քննարկելու Ուկրաինայում ընթացող պատերազմը։ Բացի այդ, Թրամփը նշել է, որ առաջիկա օրերին մտադիր է զրուցել ՌԴ նախագահ Վլադիմիր Պուտինի հետ։
«Դե, կտեսնենք։ Այսինքն, մենք շատ հետաքրքիր քննարկումներ ենք վարում»,- ասել է Թրամփը՝ պատասխանելով հարցին, թե ինչն է խաղաղության հաստատման ճանապարհին գլխավոր խոչընդոտը։
«Ինչպես գիտեք, Եվրոպայից որոշ առաջնորդներ երկուշաբթի կամ երեքշաբթի կժամանեն մեր երկիր՝ առանձին-առանձին, և ես կարծում եմ, որ մենք կլուծենք այդ հարցը։ Ես կարծում եմ, որ մենք կլուծենք այն։ Պետք է լուծենք»։
Թրամփը նաև հայտնել է, որ «շատ շուտով, առաջիկա մի քանի օրվա ընթացքում» կխոսի Ռուսաստանի նախագահ Վլադիմիր Պուտինի հետ։
