Հնդկաստանը հերքել է Ադրբեջանի մեղադրանքները Շանհայի համագործակցության կազմակերպությանը (ՇՀԿ) երկրի անդամակցությունը արգելափակելու վերաբերյալ՝ պարզաբանելով, որ անդամ պետությունները չեն կարողացել համապատասխան որոշում կայացնել ժամանակի սղության պատճառով:
Հնդկաստանի արտգործնախարարությունը հայտարարել է, որ և՛ Հայաստանը, և՛ Ադրբեջանը հայտ էին ներկայացրել ՇՀԿ-ին անդամակցելու համար, սակայն ժամանակի սղության պատճառով անդամ պետությունները չեն կարողացել Տյանցզինում որոշում կայացնել այդ հարցի վերաբերյալ. «Հարցը շարունակում է քննարկվել խմբի կողմից», - ասել է մամուլի խոսնակ Ռանդհիր Ջայսվալը։
Հիշեցնենք, որ Ադրբեջանը Հնդկաստանին մեղադրում է Ռուսաստանի օգնությամբ ՇՀԿ-ին անդամակցելու իր հայտն արգելափակելու մեջ:
