Միջազգային
ԱՄՆ-ն Պուերտո Ռիկոյի օդանավակայանում կործանիչ ինքնաթիռներ է տեղակայել. Reuters
ԱՄՆ-ն որոշել է Պուերտո Ռիկոյի օդանավակայանում տեղակայել 10 F-35 կործանիչ ինքնաթիռ՝ թմրակարտելների դեմ պայքարելու նպատակով։ Այս քայլը, ամենայն հավանականությամբ, կսրի լարվածությունը Կարիբյան ավազանի հարավային հատվածում։
Որոշումը կայացվել է ԱՄՆ ուժերի կողմից՝ Վենեսուելայից թմրանյութեր տեղափոխող նավի վրա գրոհից երեք օր անց, որի հետևանքով զոհվել է 11 մարդ։ Փորձագետների կարծիքով՝ այս գործողությունը կարող է հիմք դառնալ Լատինական Ամերիկայում ռազմական երկարաժամկետ արշավի համար։
ԱՄՆ-ն վերջին շաբաթներին Կարիբյան ավազանում տեղակայել է 7 ռազմանավ և մեկ միջուկային սուզանավ՝ ավելի քան 4500 նավաստիներով և ծովային հետևակայիններով։ Բացի այդ, Պուերտո Ռիկոյի հարավում ԱՄՆ ծովային հետևակի 22-րդ էքսպեդիցիոն միավորը վարժանքներ է անցկացնում, ներառյալ։ F-35 կործանիչները, որոնք նախատեսվում է տեղակայել մինչև հաջորդ շաբաթվա վերջ, ուղղված են Կարիբյան ավազանի նարկո-ահաբեկչական կազմակերպությունների դեմ։
Այս ռազմական կուտակումը մաս է կազմում նախագահ Դոնալդ Թրամփի՝ թմրակարտելների դեմ վճռական պայքարի խոստման։ Նա այդ խմբավորումներին մեղադրում է ԱՄՆ թմրանյութեր մատակարարելու մեջ։
