Չորեքշաբթի օրը Իսրայելի բանակի բարձրաստիճան ներկայացուցիչը հայտարարել է, որ Գազայի քաղաքի վրա նախապատրաստվող գրոհը կարող է հանգեցնել մոտ մեկ միլիոն պաղեստինցու տեղահանման։ Իսրայելը ծրագրում է նրանց համար ստեղծել նոր «մարդասիրական գոտի»։
Ըստ ՄԱԿ-ի գնահատականների՝ մեկ միլիոն մարդը գրեթե ամբողջությամբ ներառում է Գազայի քաղաքի (հատվածի մայրաքաղաք) և նրա շրջակայքի բնակչությունը։
Իսրայելը պատրաստվում է ամբողջությամբ վերահսկողություն հաստատել քաղաքի նկատմամբ՝ պատճառաբանելով, որ այնտեղ են գտնվում ՀԱՄԱՍ-ի հիմնական բազաները։
Նշվում է, որ վերջին օրերին նկատվում է պաղեստինցիների ակտիվ տեղաշարժ Գազայի հյուսիսային շրջաններից։ Մինչ օրս այդ շրջանները լքել է մոտ 70,000 մարդ։
