Կրեմլից արձագանքել են ԱՄՆ նախագահ Դոնալդ Թրամփի այն հայտարարությանը, որ Սի Ծինփինը, Վլադիմիր Պուտինը և Կիմ Չեն Ընը ԱՄՆ-ի դեմ դավեր են նյութում։
«Ոչ ոք դավեր չի նյութել, ավելին՝ անգամ ոչ մեկի մտքով նման բան չի անցել. 3 առաջնորդներից ոչ մեկի»,- այս մասին հայտարարել է Պուտինի օգնական Յուրի Ուշակովը։
Նա հույս է հայտնել, որ նախագահ Թրամփի այս գրառումը հեգնանք չի պարունակում։
«Բոլորը հասկանում են, թե ինչպիսի դեր ունեն ԱՄՆ-ն, նախագահ Թրամփի գործող վարչակազմը և անձամբ նախագահը»,- ընդգծել է Ուշակովը։
