ԱՄՆ պետքարտուղար Մարկո Ռուբիոն հայտնել է, որ Ռասել Վոութը կղեկավարի Միացյալ Նահանգների Միջազգային զարգացման գործակալության (USAID) լուծարման գործընթացը։
«Ես կատակով ասացի նախագահ Թրամփին, որ չորս աշխատանք ունեմ։ Նա առաջարկեց մեկը հանձնել իմ ընկեր Ռասին, և այդպես էլ եղավ։ Հունվարից ի վեր մենք խնայել ենք տասնյակ միլիարդավոր դոլարներ հարկատուների հաշվին։ Հիմնական ծրագրերը փոխանցվել են Պետքարտուղարություն, իսկ USAID-ը պաշտոնապես գտնվում է լուծարման փուլում։ Ռասն այժմ համակարգում է այդ գործընթացը»,- գրել է Ռուբիոն։
Նշենք, որ դեռ փետրվարի 4-ին ԱՄՆ նախագահ Դոնալդ Թրամփը Մարկո Ռուբիոյին նշանակել էր USAID-ի ժամանակավոր ղեկավար։ Հուլիսի 1-ին Ռուբիոն հայտարարել էր, որ դադարեցվում է գործակալության կողմից տրամադրվող ամբողջ արտաքին օգնությունը։ Բացի այդ, նշվել էր, որ հարկատուները մանրամասն տեղեկատվություն կստանան ԱՄՆ-ի բոլոր արտաքին օգնության ծրագրերի վերաբերյալ։
