Բելառուսական ընդդմադիր մամուլը գրում է, որ մահացել է հատուկ նշանակության զորքերի նախկին զինծառայող Վլադիմիր Բուտկոն, ով կասկածվում է Լուկաշենկոյի հրամանով քաղաքական սպանություններ կատարելու մեջ։
Բուտկոն կապված է ընդդիմադիր քաղաքական գործիչներ Յուրի Զախարենկոյի, Վիկտոր Գոնչարի և գործարար Անատոլի Կրասովսկու առևանգման և սպանության հետ։
Այս գործով դատավարության ժամանակ Բուտկոյի դեմ ցուցմունք է տվել բելառուսական հատուկ նշանակության ուժերի նախկին մարտիկներից մեկը՝ Յուրի Գարավսկին։
Գարավսկու խոսքով՝ Բուտկոն անձամբ մասնակցել է Կրասովսկու մեքենայի ոչնչացմանը, որը ջարդվել է զրահափոխադրիչի կողմից և թաղվել։
