Բրիտանիան, Ֆրանսիան և Գերմանիան (Ե3) պատրաստվում են հոկտեմբերի 18-ից վերականգնել ՄԱԿ-ի պատժամիջոցները Իրանի նկատմամբ՝ նրան պարտադրելով ՄԱԳԱՏԷ-ի տեսուչներին լիարժեք վերադարձնել երկրի միջուկային օբյեկտներ։ Քայլը համընկնում է 2015 թ․ միջուկային համաձայնագրի ժամկետի սպառման հետ և չի կարող վետոյի ենթարկվել Ռուսաստանի կամ Չինաստանի կողմից։
Իրանը, որ տեսուչներին դեռ չի թույլատրում այցելել Ֆորդոուի, Նաթանզի և Սպահանի ռմբակոծված կայաններ, նախազգուշացրել է, որ կպատասխանի պատժամիջոցներին։ Մինչդեռ Ե3-ը հույս ունի, որ այս ճնշումը կստիպի Թեհրանին՝ նոր զիջումների գնալ։
Նոր պատժամիջոցները հիմնականում կխփեն Իրանի զինամթերքի վաճառքին ու նավագնացությանը՝ խորացնելով երկրի տնտեսական ճգնաժամը, որն արդեն ծանրացել է ջրի և էներգիայի պակասից։
ՄԱԳԱՏԷ-ի ղեկավար Ռաֆայել Գրոսսին հայտարարել է, որ հնարավոր չէ «ընտրված» տեսուչներ ուղարկել, և բանակցությունները պետք է շարունակվեն։
Վերլուծաբանների կարծիքով՝ այս ճգնաժամը կարող է վերածվել խոր հակասության Իրանի և Արևմուտքի միջև։
