Մեծացնում ենք մեր ռազմական ներուժը, հայտարարել է Ադրբեջանի նախագահ Իլհամ Ալիևըէ ընդգծելով, որ պետք է ցանկացած պահի պատրաստ լինեն պատերազմի։
«Մատակարարվել են ժամանակակից ԱԹՍ-ներ, հրետանային նոր համակարգեր։ Պայմանագրեր ենք կնքել մարտական նոր ինքնաթիռների գնման համար, եղածներն արդիականացվել են։ Պետք է ցանկացած պահի պատրաստ լինենք պատերազմի, քանի որ աշխարհում գործընթացներն այնպիսին են, որ անհնար է կանխատեսել, թե վաղը ինչ կլինի։
Մեր անվտանգության երաշխավորը մենք ենք, պետությունը, ժողովուրդը և մեր զինված ուժերը։ Հետևաբար, եթե ինչ-որ մեկի մտքով անցնի Ադրբեջանի դեմ որևէ սադրանք իրականացնել, ապա կարծում եմ՝ նա կրկին կզղջա դրա համար»,- ասել է նա։
