Պակիստանը մտադիր չէ փոխել հարաբերությունները Հայաստանի հետ՝ առանց Ադրբեջանի հետ խորհրդակցությունների։ Այս մասին հայտարարել է Ադրբեջանում Պակիստանի դեսպան Գասիմ Մոհյուդինը։
Պակիստանցին ասել է, որ երկիրը դեռևս չի ճանաչել Հայաստանի անկախությունը՝ ադրբեջանական տարածքների օկուպացիայի պատճառով։
«Սա եղբայրական Ադրբեջանի նկատմամբ սիրո, հարգանքի և համերաշխության դրսևորում է։ Մենք այս քաղաքականությանը հավատարիմ ենք արդեն երեք տասնամյակ, փոփոխությունները հնարավոր են միայն Ադրբեջանում մեր ընկերների հետ խորհրդակցություններից հետո», - ասել է դիվանագետը։
