Միջազգային
Եթե ես չստանամ այն պատասխանները, որ ուզում եմ երկրորդ հանդիպում չի լինի. Թրամփ
13 Օգոստոսի, 20:50
Դոնալդ Թրամփը լրագրողների հետ մամուլի ասուլիսի ժամանակ հայտնել է , որ եթե Վլադիմիր Պուտինի հետ Ալյասկայում օգոստոսի 5-ին կայանալիք հանդիպումը լավ անցնի, կցանկանա գրեթե անմիջապես երկրորդ հանդիպումն ունենալ Պուտինի և Զելենսկու հետ. «Եթե առաջին հանդիպումը լավ անցնի, կցանկանայի գրեթե անմիջապես երկրորդ հանդիպումն ունենալ Պուտինի, Զելենսկու և իմ միջև, եթե նրանք ցանկանում են, որ ես այնտեղ լինեմ»։
Միևնույն ժամանակ Թրամփը ընդգծել է. «Եթե ես չստանամ այն պատասխանները, որոնք ուզում եմ, [Պուտինի հետ] երկրորդ հանդիպում չի լինի»։
Հարցին` արդյո՞ք Պուտինի և ՌԴ-ի համար հետևանքներ կլինեն, եթե նա ուրբաթ օրը համաձայնության չգա պատերազմը դադարեցնելու շուրջ, Թրամփը պատասխանել է. «Կլինեն շատ ծանր հետևանքներ»:
