Թուրքիայի արևմուտքում տեղի է ունեցել 6.1 մագնիտուդով երկրաշարժ։ Այս մասին հայտնել է հանրապետության արտակարգ իրավիճակների վարչությունը։
Երկրաշարժը գրանցվել է տեղական ժամանակով ժամը 19:53-ին, էպիկենտրոնը գտնվել է Բալիկեսիր նահանգի Սինդիրգի շրջանում։ Էպիկենտրոնը գտնվել է 11 կմ խորության վրա։
Հնարավոր զոհերի կամ վնասների մասին դեռևս տեղեկություններ չկան, ասել է հանրապետության Ներքին գործերի նախարարության ղեկավար Ալի Երլիքայան։ «Երկրաշարժը զգացվել է Ստամբուլում և հարակից նահանգներում։ Այս պահին բացասական հետևանքներ չեն նկատվում։ Մենք իրական ժամանակում հետևում ենք իրավիճակին», - գրել է նախարարը X-ում։
TRT Haber-ը հայտնել է, որ ցնցումները զգացվել են 20-30 վայրկյան Թուրքիայի արևմուտքում գտնվող առնվազն 10 շրջաններում, այդ թվում՝ Ստամբուլում։ Որոշ վայրերում խնդիրներ կան բջջային կապի հետ։
