Միջազգային
Ռուսաստանում ձերբակալվել է խոշորագույն նավթավերամշակման գործարանից մեկի սեփականատերը
Ռուսաստանի ԱԴԾ հատուկ նշանակության ծառայությունը խուզարկություն է իրականացրել և ձերբակալել Դաղստանի նախկին պետքարտուղար Մագոմեդ-Սուլթան Մագոմեդովին, որը միլիարդատեր է և Դաղստանում գտնվող երկու նավթավերամշակման գործարանների սեփականատեր։
Խոսքը Հյուսիսային Կովկասի ամենամեծ նավթային փոխադրման համալիրի՝ «Դագնեֆտեպրոդուկտ» ձեռնարկության մասին է, որի արժեքը գերազանցում է 100 միլիարդ ռուբլին։
Ռուսաստանի ԱԴԾ պարզել է Դաղստանի նախկին պետքարտուղար Մագոմեդ-Սուլթան Մագոմեդովի մասնակցությունը «Դագնեֆտեպրոդուկտ» ձեռնարկության պետությունից գողությանը։ Հետաքննության տվյալներով՝ 2001-2005 թվականներին Մագոմեդովը, օգտագործելով վարչական ռեսուրսները, անօրինական կերպով պետական ձեռնարկությունը փոխանցել է Հանրապետության սեփականությանը, իսկ ավելի ուշ այն վաճառել է իր վերահսկողության տակ գտնվող անձանց՝ զեղչված գնով։
Գողացված «Դագնեֆտեպրոդուկտ» նավթավերաբեռնման համալիրը և նորակառույց «Դագնոտեխ» գործարանը գլխավոր դատախազության հայցով վերադարձվել են պետությանը։
Խուզարկությունների ընթացքում չհրկիզվող պահարաններում հայտնաբերվել են զարդեր և տարբեր արժույթներով կանխիկ գումարներ։ Առգրավվել է երեք միլիարդ ռուբլի արժողությամբ գույք։ Ձեռնարկությունը վերադարձվել է պետությանը։
Նշենք, որ Մագոմեդ-Սուլթան Մագոմեդովը Դաղստանի Հանրապետության պետական քարտուղարն էր, տարածաշրջանի քաղաքական և հասարակական գործիչ։
