Հնդկաստանի ափերի մոտ ռուսական նավթով բեռնված առնվազն չորս լցանավ է կանգնած: Այս մասին օգոստոսի 1-ին հայտնել Է Bloomberg գործակալությունը:
Ավելի վաղ ԱՄՆ նախագահ Դոնալդ Թրամփը հայտարարել էր Հնդկաստանից ապրանքների ներմուծման 25% մաքսատուրքերի մասին՝ երկրի կողմից ռուսական էներգակիրների գնման պատճառով:
Achilles և Elyte նավերը խարսխված են Ջամնագարի մոտակայքում: Դրանց բեռնաթափումը Սիկկա նավահանգստում նախատեսված էր օգոստոսի 2-ին և 3-ին։ Երկու տանկերներն էլ գտնվում են Եվրամիության և Բրիտանիայի պատժամիջոցների տակ: Երկու այլ տանկեր՝ Destan և Horae-ը, կայանված են ափից ավելի հեռու։
