Նիդերլանդները Իսրայելի ֆինանսների նախարար Բեցալել Սմոտրիչին և ազգային անվտանգության նախարար Իտամար Բեն-Գվիրին պերսոնա նոն գրատա է հայտարարել՝ նրանց մեղադրելով պաղեստինյան բնակչության դեմ բռնություն հրահրելու և Գազայում էթնիկ զտումների կոչ անելու համար։
Ինչպես նշել է Նիդեռլանդների արտգործնախարար Կասպար Վելդկամպը, երկու նախարարները բազմիցս խրախուսել են հրեա ավանաբնակների բռնությունը, բնակավայրերի ապօրինի ընդլայնումը և Գազայում էթնիկ զտումները։
Սմոտրիչը և Բեն-Գվիրն արձագանքել են «X» սոցիալական հարթակում՝ քննադատելով եվրոպական որոշումը։
Վելդկամպը նաև ընդգծել է, որ Նիդեռլանդները ձգտում է ավելացնել հումանիտար օգնությունը Գազային, նշելով, որ անհրաժեշտության դեպքում կքննարկվի ԵՄ-Իսրայել ասոցիացիայի համաձայնագրի առևտրային մասի սառեցումը, եթե Իսրայելը չպահպանի միջազգային հումանիտար պարտավորությունները։
Նիդեռլանդների վարչապետ Դիկ Շխուֆն իր հերթին հայտարարել է, որ Գազայի բնակչությանը պետք է անհապաղ և անխոչընդոտ հումանիտար օգնություն հասնի։
