Ռուսաստանի Դաշնության վարչապետ Միխայիլ Միշուստինը միջազգային բնապահպանական համաժողովի լիագումար նիստում առաջարկել է համատեղ աշխատել Կասպից ծովի մակարդակի տատանումների երկարաժամկետ կանխատեսման մոդելի մշակման ուղղությամբ։
Նրա խոսքով՝ անհրաժեշտ է առանձնահատուկ ուշադրություն դարձնել Կասպից ծովի մակարդակի իջեցման խնդիրներին, որոնք պայմանավորված են գլոբալ կլիմայական փոփոխություններով։
«Կարևորագույն խնդիրներից մեկն է Կասպից ծովի՝ որպես եզակի ջրային ավազանի մակարդակի տատանումների կանխատեսման արդյունավետ և երկարաժամկետ մոդելի մշակումը։ Այդ մոդելի հիման վրա պետք է կառուցվի տնտեսական գործունեությունը՝ հնարավորինս նվազեցնելով բացասական հետևանքները։ Ռուսաստանի բնական պաշարների և էկոլոգիայի նախարարությունն արդեն զբաղված է այս ուղղությամբ աշխատանքներով։ Հրավիրում եմ մեր օտարերկրյա գործընկերներին մասնակցել այս գործընթացին»,- հայտարարել է Միշուստինը։
