Ռուսաստանը առաջիկա տարիներին դժվար թե կարողանա հաղթահարել աշխատուժի դեֆիցիտը, որն այսօր արդեն գնահատվում է 2,4-ից մինչև ավելի քան 3 միլիոն մարդու սահմաններում: Այս մասին հայտարարել է Ռուսաստանի արդյունաբերողների և գործարարների միության նախագահ Ալեքսանդր Շոխինը՝ կազմակերպության աշխատաշուկայի և սոցիալական գործընկերության հանձնաժողովի նիստում։
«Լրացուցիչ աշխատուժի պահանջարկը 2,4 մլն մարդ է։ Իսկ որոշ փորձագիտական գնահատականներով՝ ավելի քան 3 մլն մարդ։ Հասկանալի է, որ մենք դժվար թե կարողանանք այդ խնդիրը լուծել մինչև 2030 թվականը՝ աշխատանքի արտադրողականության աճի կամ այլ աղբյուրների օգտագործման, այդ թվում՝ աշխատաժամանակի ֆոնդի հնարավոր ընդլայնման ճանապարհով»,- ասել է նա։
Միևնույն ժամանակ,Ռուսաստանի արդյունաբերողների և գործարարների միության նախագահը ընդգծել է, որ ճգնաժամից դուրս գալու առանցքային գործիք կարող է դառնալ լրացուիցչ միգրանտների ներգրավումը Ռուսաստան. "
«Միգրանտների ներգրավման գործընթացի կարգավորումը առանցքային է աշխատաշուկայի համար»,- ընդգծել է նա։
